大家好！噚日我仲係同父母 ~ 兄弟姐妹一齊，同住於元朗八鄉嘅一個狗場。可是下晝我就已經離開咗佢哋 lu。 我仲未有名0架！我四個月大啦！ 經過一輪選擇後，我就有個新主人喇！所以我就跟新主人坐車返屋企 ~ 坐下坐下 好攰呀！瞓一陣先！ 新主人對我好好0架！又買我，又買咗好多嘢比我添！有狗籠，狗糧，沖涼嘅用品．．．．．仲同我改咗個好好聽嘅名添 ~ ~ 我依家就叫 "藍藍" 喇！係唔係好好聽呢？而且新主人仲响狗場學咗好多照顧我嘅細節，例如 : 點樣梳毛，點樣沖涼，點樣餵我食嘢，如果真係有病又應該點呢？ 件衫仔都係新買0架！係唔係好靚呢？ 唔知我响度住得慣唔慣呢？新主人又係唔係會養我一生一世呢？好啦！下次再同大家講下我嘅新生活啦！