(小記者順順攝於羅馬,遊行隊伍正前往鬥獸場)

第1次:

畢業柴娃娃希臘38度之旅....懷念, 景及人

第2 &3次:

花都英倫行......半公半私(應該係公為私用,私為公用),

有苦有樂!! (樂:花都花碌碌, 苦:英倫悶過竹)

喜歡英倫既朋友仔,唔好介意我呢個異見人士,雖然我幾多朋友唔妥佢!

第4次:

瑞士------->奧地利----------->意大利

辛苦工作n年, 決定豁出去豪1次, 來去也沖沖的13天自遊行

(當然都係坐經濟位,只不過食好dd,住3星酒店唔住青年旅社!)

瑞士:

宏偉花園

奧地利:

霉味音樂廳

意大利:

威尼斯浪漫得o黎神秘

佛羅倫斯古典得o黎舒服

羅馬....新舊歷史洪流大衝擊

羅馬

回應友人阿雪對羅馬之震撼

小妹都同意, 它真的是免費露天博物館,周街都是歷史建築文物雕塑

(當時我問1名雪糕車意佬大叔個羅馬廢墟邊樹黎,佢1指, 話咪就"柄"係路中心囉!!!)

但是,佢對我所震之撼之係d 空氣極之差!( 喜歡羅馬既朋友仔, 唔好介意我唱反調!)

因為先遊威尼斯----->佛羅倫斯------->羅馬

有太大比較, 而正值當時英國受到恐怖份子襲擊, 意大利成為目標重地

但是全球人類跟我都唔識死字點寫, 周圍迫住晒10萬9千人, 可能真係有金執

加埋有1隊隊同性戀人秩序井然地遊行,

kiss 住大跳熱情森巴舞, 途人亦跳埋1份

1隊隊意大利PTU"癡車禁轉",大棚人穿疏於大大件歷史文物中間,

又有新人於羅馬廢墟旁邊的小聖堂結婚, 完成後親朋好友散出黎,

順便參觀埋隔離果個廢墟, 幾有feel呀!!!

人與物, 新與舊,現實與夢幻,反叛與秩序,同性與異性,恐怖份子與保安警察,全球民族大迫"劫"....

呢d衝擊, 令我印象好深刻, 1生難忘!!! 始終歷史都係由人所創造的嘛!!!( 感恩中.....)

後來回程時安全到步回香港(多謝為過我禱告的人類)

唔...其實每次下機回到香港,都有種回家的溫馨感!

飛去邊都好,始終香港有我成長的回憶嘛!