呢幾日心情已經差透, 今日又等巴士等左 45 分鐘... 又熱又焗, 又趕時間做運動, 成個人暴燥晒... 可以話係一觸即爆... 落車後時間已經好遲, 決定今晚唔做運動~ 把心一橫去玩具鋪減壓... 去到商場, 心情仍現好差, 口黑面黑, 真係好想找人打兩拳發洩下~ 甘岩, 有幾條死靚仔(應該是中學) 塞鬼住個玩具鋪門口.......................係度話: "哎呀, 無位入添......點好呢" (間鋪頭裡面大把位) 我已經扯晒火, 企係佢地面前, 榨實拳頭, 想用力撞開佢地......突現佢地唔出聲...走左~~~ 頂~~~!!! 行完一間, 依然暴燥, 再去另一間模型鋪~因為無得發洩, 入到去心情依然好差...... 心不在絃的望望下...... 突然隻鞋好似比野咬......低頭一望, 竟然見到隻不知死活 ge 貓貓係我隻腳度典來典去, 好嗲~~ (o '-' o)最後重笨係我隻腳度訓覺... 救命呀~ 火氣即消, 由 120% 變左做 0... 成個軟晒~~ ~~ 完 ~~ 多謝收看 (因為懶洗碗, 今晚買左 Mic Don Don, 而家食緊~)