佢個樣係米好似火柴呢 但佢永遠都點唔著架 因為佢係非一般火柴 有水佢至會發揮佢嘅效用架 哩種火柴街無架 醫生至有 N年前 我需要每晚都用上一兩支 係用黎消炎同放血水 令傷口復原時間減慢 目的係俾時間個傷口由裡面好出黎 最後至到表皮 哩個工程維持左唔算好耐 但都一段時間成個療程仲需要其他輔助物品 包括................. 清潔傷口用嘅鹽水 消毒紗布 膠布 手套 同非一般火柴 最重要係 爺爺同埋我 因為某D原因 我要係屋企充當起幫爺爺清潔傷口嘅無牌護士 不過放心 我受過訓練架 醫生話得 我至敢落手架囉 當然都唔明 點解無驚 又或者覺得嘔心之類嘅感覺架囉 成個療程.......都幾咩架 免得大家反胃 所以唔會講 依家見倒佢地 我會諗起一個人 一段經驗 只有我擁有 其他兄弟姊妹都無嘅 就好似之前同佢單獨去旅行一樣 一個我同佢專屬嘅回憶 感覺...........係窩心架