2010.7.17

澜小聚会 高达80%同学出现

身为策划人之一噶我，觉得好荣幸好安慰 亦都 超感动~！！！

【肠粉】小学隔离噶肠粉铺再5系小学隔离个间啦 食开个间已经过左对面街，阿诗话系以前个个包租公5租比肠粉店啦，我个日见到小学隔离仲系肠粉铺，慌5系个包租公自己都开咩~~~衰到死。所以正宗噶就过左对面街开啦， 虽然同小学稍微拉开了距离，但系生意一样甘好，你吹咩？ 里面依然都系d老街坊，见到啊诗妈咪，食左一餐免费早餐添，多谢晒诗妈妈！

d肠粉真系5话得，同小学d味道一样，好怀念！不过升左价，KK话以前只需要个二银纸就得了！无办法啦，咸丰年前噶物价点同宜家比啊。

食下食下，赖娃打个电话黎催：“乜你食甘耐噶？你碟劲大肠粉啊？” 哈哈，5好意思啊，好野梗系要慢慢叹噶啦！

【人】一行到去侧门，见到一大群人 邓老师都已经黎左啦 佢，一个记忆力超强大噶人，今日仲带左女女出黎，女女着露背装，好性感，哈哈，不过只系6岁姐，呵呵。跟住再望过去，见到鸡肠，赖娃 啊乐 啊龟 猪猪 肥婆 莫沚 班长 周锦 亲爱的同学们 大家都变靓晒啦~

至于男生，d拍摄发烧友一到步就迫不及待开始工作啦，罗住部机猛甘稳靓位，影靓相，小学要拆了，好拿拿声影咯喂！

高佬B仲走入女厕影添。哈哈~期待你噶作品啊！男仔都好多人，真系够晒比面咯。

【学校】学校d树壮了 环境靓了 教学楼都修葺过，加固左 肥鸡话：咧~以前条橡筋绳栋楼都震噶咧 林林下又好似系 哈哈

个正门重新执过 仲整左两个雕像添 完全5同晒 成个花园甘喔 真系dum本咯。。。

可惜啊 就系楼梯噶闸关左 搞到无得上去睇睇我地噶课室

有个林法飘过 我地个个都甘大只咯 成班走上去 你话 栋楼会会lemg 啊啦？哈哈

皆因老陈就住学校隔离 梗系要请埋佢黎啦 所以叫左莫沚同鸡汉去请佢黎

哈哈 老陈依然好健壮啊

【泰乐居】浩浩荡荡甘开左一间房，两张超大台，吱吱喳喳讲以前噶趣事，仲有一d老师噶金句添：

一年四季靠偷睇稳食

（一路派卷一路讲）死老X 死老X

入厕所 厕所好中意你

……

食完饭之后，我地讨论左一d学校噶怪异规定：点解我地上课之前要趴下？有咩意义？点解会有硬性规定：双手放系台面，右手在上，左手在下？但系到最后我地都系无得出结论噶~哈哈 行自己噶路，等别人up去吧！

我地仲成立左小学聚会基，金方便下次聚会噶 所以各位同学注意啦 有聚会记得黎啊 哈哈

大家选出基金骨干有：阿B 菠菜 同莫沚

【99金柜】食完饭 就近梗系唱K啦

要饮噶就饮，要唱噶就唱啦 总之就自由发挥啦

我加加埋埋都饮左最少2支吧 今锅真系面红红 希望大家5好误会我系蒲女 呵呵

仲整左个twins经典歌曲怀念版 时隔多年 但系一唱起 D旋律就自己飚出黎 好自然又跟得上 有历史噶也果然好有味道

仲有monica 加上我地噶固定动作 简直好睇到不得了啊 哈哈

人生最大噶纠纷之一 梗系黎5开金钱瓜葛啦 又话有学生证有8.5折 收钱噶时候就计我地9折

“学生证噶优惠系晚上7点半后先开始，你地无问清楚姐”喂 靓女，系你无讲清楚喔 甘你分明误导消费者姐

“我地个纸巾盒有写明噶” 喂 大佬 边个得闲无事睇你个纸巾盒写d咩啊

tmd 甘样误导消费者 无得原谅啊 所以我地决定开发票！！！！

下次去新活力唱 哼

【麻将】 唱K之后得翻我 欣 K 珊 诗 五个 去左欣屋企打雀

杠牌 我5系甘识 d女人话卫生麻将无瘾 甘就细细地咯

点知 我系输家 好在5多 不过成班女人围买埋一堆系麻将台上 真系好过瘾 有咩讲咩 好耐都无试过呢d感觉 哈哈

【丰衣粥食】肚饿啦 三个女人一齐食宵夜啦 都系就近原则

乳鸽粥 蒜蓉炒芥兰呢两个都几好食噶 有机会试下啦 牛腩蒸陈村粉 就麻麻地咯

点知食食下 妈咪就黎接我走啦 等欣同诗两个撑台脚啦 哈哈

澜石小学第一届02届3班聚会成功

祝个个都身体健康 做野噶就工作顺利 读书噶就百尺竿头更进一步 阿B就一路顺风啦

再见啦各位

下次再会

图片迟d补上！