同事們紛紛認為小妹COOL到爆, 皆因响公司我唔多出聲亦冇咩野笑容... 其實我係一個對工作非常認真既人, 所以好多時我都會投入左响工作入面, 自問並唔識得好似做服務業嗰陣咁一心二用, 一路派餐仲一路對住架餐車笑@ 我朝早就已經開始 "自閉症" 發作, 通常勁早番到公司就上網同食早餐, 然後就死屍咁趴响度瞓覺@ 九點鐘亦自不然會好似彊屍番生咁彈起身~ 面無血色既我就會慢慢開始我既工作... 當然同自己部門既同事交流會比較多, 加上仲响新人階段既我好多野都係要左問右問~ 雖然偶爾都會同同事傾幾句閒計, 不過做HR既通常都唔會係 "是非精托世", 冇咁多無聊八卦周圍講! 於是乎其實大家都好努力地做好自己本份... LUNCH TIME 既時間到了, 超有性格既我雖然覺得我班同事個個都好好人, 但係小妹唔鍾意同人hea 就係唔鍾意同人hea, 習慣左大部份時間都係坐番响自己個位度享用我既午餐@ 食完仲可以玩陣電腦, 傾陣電話, 同瞓陣覺~ 打從好幾年前做HR開始我就成日同朋友講, 真可惜只有經理至會有間房可以坐, 如果我有間房就可以 "與世隔絕"@ 幾乎唔需要同人地SOCIAL~ 最適合COOL到爆既小妹!