我今日放工坐小巴番屋企果时，晕晕下咁谂到一个好争议性既题目 ' 当有妇之夫搭上有夫之妇 ' 或者 ' 有夫之妇搭上有妇之夫'

　　不过当我谂谂下既时候，成个故事太纲已经出左黎… 所以我谂住再思考多一段时间，就将个故仔写出黎。

　　今晚难得可以安排到时间睇东山飘雨西关情，平时我通常都会坐响按摩椅度不停思考…

　　思考范围好广阔，小至听朝食咩早餐好，大至国家大事… 思考可能有时会冇答案，但过程会发现好多唔同既观点！

　　今朝睇报纸，睇到一则相当有趣既社论。个社论既大方向就同我一年前既言论一致，我已经影印剪低，听晚有机会既就同大家分享。

　　其实我都唔知边个会黎呢度睇，但就每日都过百点击。好多隐形读者响度做 '粉丝' < 我极度讨厌呢个词！

　　头先睇新闻提要，好地地讲紧食物安全中心，临尾果句都硬系要讲食安中心… 想点姐？系咪一定要跟大陆果套，夹硬为简而简，为缩而缩？

　　讲番东山飘雨西关情… 汪明荃话：以前就西关小姐，话一冇人敢话二。到嫁入东山豪门，竟然变成讲咩都冇人会听冇人会理。

　　正好对番今日题目既后半部！女孩子大部分都想嫁入豪门，希望山鸡变凤凰。做个阔太其实又系咪大家心目中所想既咁自在？除左物质之外… 仲有咩其他呢？物质、钱系好吸引，但系咪冇就生不如死？死：正是题目既前半…

　　其实有冇人回头望下、谂下，点解自己今日会黎到呢个境地？点解人地又会唔同自己？我好早已经唔会去妒忌人，羡慕就有！我觉得… 人地埋头苦读既时候，我去沟女打机卡拉ok，咁人地成就高过我就必然架啦！如果觉得自己而家唔够料，咪急起直追，唔再争名逐利既咁好似我咁，斋思考去提升罗！

　　怨？有咩好怨？赖？你赖边个？唔通又有人误导？但硬系唔见有人俾我误导到架喎，唔通我 d 大话唔够真？我早两日先讲过，人生系冇photoshop，咁会考果期你唔踩油，咁……咁咪就系咁罗！虽然唔系代表一切，但都差唔多大局以定！我个红颜知己都系读书唔成，但系又如何？肯做肯学，待人接物态度 no.1。就算而家公司摺埋面临失业，so what？总好过坐响度多愁善感，呢样又话唔得喎…果样又话唔好喎… 但自己又唔见有咩突破观点出到黎。人地同佢讲，就好似人地存心同佢作对咁！其实将一个人捧到上天，当观音娘娘咁拜有几难？忠言逆耳，只有身边关心你既人先会死谏。

　　红颜知己知自己唔够钱用，会识得搵份兼职帮补下。自己靠自己，从来冇听过佢话要搵个有钱佬嫁左佢做阔太。理由好简单，傻仔都谂到，驶得人钱实要受人气，一字咁浅！而且做人要均真，唔好成日谂住借 d 2 唔觉唔觉咁去搵人著数，你以为人地唔知唔觉，到时俾人数白榄就话番人小器孤寒…呢 d 咁既气，我之前受唔少。我做咩都老冯既，出钱出力多谢都冇句系应该既… 到时到候开声想话清下条数咋… 哗， d 说话难听到呀！

　　容我讲句好难听既说话：咁捻钟意钱，你唔捻好去做鸡？去做鸡凭你又搵到几多呀？一系就去死，我几十亿咁烧俾你。

　　千亩稻田一碗饭，万尺大宅一张床！俾捻晒你，你又要得几多？一餐你食得几多？训你又要训几多位？

　　不学无术，思维单薄… 俾捻晒你都冇捻用啦！一身铜臭，毫无品味可言！

　　讲番开心野，今日因为一个中文字，我又搏到全场掌声！胥… 成个 office 冇人识读！唔知点解会走埋黎问我。我就横掂得闲，将个字响边度出现过，成个故仔讲左出黎！伍子胥个胥嘛，读 '衰'。咁伍子胥系边个呀？春秋呢…挂对眼响城门果个呀！仲唔型晒…

　　死。有咩需要去死呢？有咩搅唔掂呢？争人好多钱？有病医唔好？点解要闹人：你唔好去死？

　　但讲落，如果咩都话唔得，咩都话唔好…咁唔去死咁仲有咩好做？既然行又唔系坐又唔系…做咩都俾人话…咁咪去死罗！

　　但又唔谂下点解会发生咁既情形架喎… 自己完全冇问题？全部都系其他人误解、作对。俾人话两句咪有则改之，无则加勉。俾人话又唔会痛又唔会少忽肉，可以少忽肉既，唔该 24 小时不停咁话我！

　　豁达 d 去睇，挑，把口响人地度，人地讲咩理鸠佢咩。你冇野食又唔会佢肚饿。佢有钱又唔会俾你驶。自己撑捻得掂个鸡头，理捻得人咁多。

　　总之自己就完全冇问题，有问题既全部都系有问题既人…周边既人全部都系低 B 无能既，冇人了解你。你既决定就最正确，excellent 冇得顶！.........无聊！

　　系咁清晰透彻高明，就唔会搅咁耐都原地踏步咩都冇变过啦！讲… 讲就凶狠，做就......

　　打下打下，珠光宝气又做完！