-,-琴日墨水生日,

大老闆請我哋唱K.

去咗嘉州紅(禪城個間)

科哥開車車我哋去.

由于時間尚早.

我哋又未食飯.

- -個度(嘉州紅)附近有冇乜嘢食.

咁我哋就隨便搵咗一間"電子褒仔飯"咬米去.

GIGI仲話今晚豪啲....

笑鬼死我.

每人一個電飯煲,

哩鍋真係豪啦!

唔算好味唔算差啦.

好中肯嘅評價.

食完飯都仲未夠時間.

- -又冇嘢好行,

唯有去睇電影啦.

..悲劇的是哥忘記帶學生證,

GIGI又冇帶,

所以"波推王子"(波斯王子)又睇唔成啦.

話說每人50蚊 好喇利.

睇下有乜平嘅電影,

-,-"非誠勿擾"20蚊!!

經過我哋商議過之後决定衹好睇哩出喇.

因爲科哥條女未睇過.

最後張老闆好豪咁幫我哋畀咗錢.

哩個係重點,老闆就係老闆!

經過2個锺多嘅煎熬.

終于影完了.

哩20蚊空調費可謂相當貴!

睇完電影就當然係開波喇.

我哋風風火火咁趕到"666"房(嘖嘖嘖嘖,其實係慢慢咁行過去)

一入到去,第一時間就緊係望下乜情况先喇.

首先一入眼簾嘅係我哋嘅夀星公,水哥!

真係越睇越青春啊,雖然都係幾個月冇見.

跟住呢,又見到大B,撈東,啊波同波妹,仲有陳詩慧哋喇.

我哋班好似就得哩幾個喇.

原先話去嘅人唔知點解都放曬灰機.

甚是失望呢,有啲人真係好耐都冇見過.

墨水帶個幾個妹子唔加以評價.

跟住呢,接下來就係做咗啲唱K應該做嘅嘢.

後來唱到1~2點,

科哥哋話走.

- -其實我都想走咖,

不過大B個撲街冇人陪,

咁我緊係挨義氣唔走咖喇.

-,-雖然係個錯誤嘅决定.

接下來真係不是一般的無聊.

唱KKKKKKKKK

飲酒酒酒酒酒酒酒酒,

瞓咗一陣,

又再唱KKKKKK

飲酒酒酒酒酒酒酒酒.

- -好不容易熬到6點多.

又冇公交搭,

我哋同GIGI叫咗臺的士返新都會.

好綵等208唔係等咗好耐,

一繙到屋企就緊係立即瞓覚喇.

瞓咗幾個锺,

畀媽子叫醒食飯.

然之后,

我就將哩篇嘢打完,

再之後,

繼續瞓覚.

完.