24/5，今日我同呀ho都放假，所以去左市中心行街街，

佢今日收獲豐富，而我就一件戰利品都冇~

晚上我地原本去食 "明將壽司" ，但等左好耐、好耐.....都未有位，

所以呀ho話不如去食龍蝦伊麵啦，我話咁貴唔好啦!!!

之後被佢半推半拉就去左 "海霸燒鵝海鮮酒家" 開餐啦~~

去到咁好采，唔使等位喎，咁就被佢拉入去坐底喇!!

佢叫左個 "沙煲翅" ，好鮮甜，又幾多魚翅喎~!!

之後我地叫左 "燒鵝拼盆"，諗住應該會有海浙、分蹄...

但拎到黎，得d燒鵝、油雞同叉燒，總之落單前問清楚先啦~~!!

可能係太肚餓，所以我地覺得味道ok，呀ho仲叫左1碗飯添 (佢想增肥呀) ?????

因為我覺得龍蝦伊麵太貴啦，成$168一斤，最少要叫一斤半，

而且得我地兩個食，又食唔曬喎，所以為左令佢唔好失望，

於是我地叫左 "芝士焗海大蝦伊麵" ，都差唔多要成$100，等佢一嘗滋味~~~

嘩！d蝦真係好大隻架，勁爽，

d伊麵好正，食都佢舔舔舌 (芝士好肥架，佢又想增磅呀) ??????

我就最健康，叫返碟 "西蘭花蝦球花姿片"，

我覺得最好食都係呢碟，所以一早食曬啦~!!

我地兩個人叫左3-4人分量，d侍應同d食客都眼望望，

最後除左我碟 "西蘭花" 食曬外，

佢碗白飯，食左兩啖，剩左大半碗，

碟 "拼盆 "&"煲翅" 都食唔曬，

d " 芝士焗海大蝦伊麵" ，剩返半碟伊麵，

好采埋單還算ok，400蚊有找，不過我地太飽喇，浪費曬d野食~!!

今餐呀ho勁增磅，唔知佢要跑返幾耐先減磅呢???? hahahah....