好耐無寫過日誌啦，無論Q-Zone同blog都係。依然係無咩話題，主要論點都係圍繞自己D宅男生活。從一月放假到而家足足三個月咯，連續三年都係咁樣，真係要報下吉尼斯世界紀錄先得。每日起床就係開電腦，玩QQ遊戲（歡樂城市、農場、牧場同餐廳），然後睇微博同博客，跟住係體育新聞或者八卦新聞，最後就係美空網。日復一日，似乎已經變成每日噶例行公事。

呢兩個星期不斷投簡歷，希望可以快D揾翻份Job解悶。雖然面試過幾次，不過都係唔多啱自己心水。尋晚同老豆傾咗一個鐘，清晰咁表明我自己噶立場，如果再等唔到佢介紹果份外貿噶工，我會試下揾下有無壽司店招我做學徒，辛苦唔緊要，最重要係自己有興趣嗎。不過神奇噶係今日一打開114求職網，竟然睇到一個之前無投過簡歷比佢噶單位叫我星期一去面試，連做咩都未知，認真惡搞！

而家似乎對好多事都睇淡得好緊要，特別連續不斷噶地震（雲南、日本同緬甸），人噶一生真係好短暫，特別想自然界面前係幾咁渺小，所以好似日本人話齋，人生彷如櫻花，即使好短暫，依然要綻放出所有噶光彩。同樣地，enjoy我地噶生活一樣好重要。月頭突然收到好兄弟李逵結婚噶消息，真係嚇咗一大跳，感覺仲高興過自己結婚咁。廿二年感情，當正佢係自己親細佬咁，能夠睇到佢成家真係好開心！轉個channel睇翻自己，穩定噶收入都未有，依然要靠阿媽同老豆養，所有噶嘢真係唸都唔敢唸。之前噶積儲都唔知可以挨到幾耐，唯有做住宅男，盡可能減少支出啦。（思春都思唔起，人生最痛苦莫過於此）

So，繼續鍛煉耐性吧，希望自己努力噶同時，有個腳踏七色彩雲噶靚女來救助下我啦，哈哈哈~~~