尋晚。真系好期待..等咗咁耐，終於等到英超賽季開波，終於等到有阿仙奴嘅比賽..又系新賽季..唔知阿仙奴嘅隊員狀態如何呢？

看完場比賽之後，發現真系睇到出曬冷汗....望住1-1嘅比分...只能講，阿仙奴能夠喺客場取得一分..真系要多謝利物浦嘅門將嘅烏龍球,,仲要多謝幸運女神嘅眷顧。
因為上半場比賽電視無直播..而我部電腦嘅網速慢到好似龜上身咁..所以上半場嘅比賽都系靠文字直播..！不過令人意外嘅系上半場臨結束嘅時候，祖高爾意外咁被紅牌罰出場。利物浦變咗10人應戰。我初時真系好開心伽,,心霖連個天都幫我哋..10個打我哋11個..利物浦你仲唔死？~但系我發現真系開心得太早...個天無偏幫任何一方...機會系要靠自己去爭取嘅...

終於等到12點..拿拿淋開電視....不過估唔到下半場先啱啱開波兩分鐘，就俾利物浦掃入咗一粒。因為韋舒亞一個漫不經心嘅低級失誤，令到利物浦領先1-1...！其實，聽D有上網睇直播嘅F講，呢位18歲嘅小將上半場一直表現得嘛嘛哋，但系韋舒亞可能做到丹尼臣做唔到嘅野..就系直傳！所以..其實佢都ok嘅..不過怯場喈,,以後大把進步空間~ ！而下半場一開波就馬上送個大禮俾對方..真系人都癲..，尼高治直接喺右邊禁區帶球小角度射門，而艾蒙尼亞亦都無能為力去挽救。利物浦嘅氣勢明顯壓過咗阿仙奴。阿仙奴喺臨完場嘅時候依靠連拿嘅一個“牛油手”取得一個進球。不過..最唔抵嘅系喺第93分鐘,我哋嘅高斯索尼都食咗一張紅牌被罰出場,,,, ！最終阿仙奴以1-1嘅比分同利物浦扼守言和....

無可置疑嘅系。年輕嘅阿仙奴球員已經唔能夠用經驗不足呢個藉口嚟解釋失球&失誤喇..。呢一場比賽，充分暴露出阿仙奴依家面臨嘅問題同不足之處！
失球嘅主要原因..講咗幾百次..除咗防守仲系防守問題！高斯索呢&華美倫呢兩個中衛搭配對付地面嘅進攻表現都ok嘅。但系對付高空球就暴露曬身高上面嘅劣勢出嚟喇。利物浦有幾個定位球&角球都開得好靚。如果利物浦把握好機會嘅話，估計尋晚場波，我哋真系人都癲！。兩個邊衛薩尼亞和基治表現得尚算穩定嘅..但系仲有更大嘅進步空間..我覺得佢哋默契唔多夠..!

講到門將...喺雲加再次堅持唔需要買門將嘅同時，睇完尋晚場波，我覺得雲加出艾蒙尼亞, 好過出法比安斯基..畢竟，艾蒙尼亞對自己都有信心,..但系佢完全應付唔到兩側飛入黎嘅波, 佢出, 就打空門...反應唔夠快,,!!就算佢幾唔掂咁又點？都無得俾我哋揀....雲加又唔放心俾文路尼首發,,又唔肯買門將,,堅持留艾蒙尼亞喺度...唉...就算門將嘅表現有幾差，都無辦法,,因為無得俾我哋揀~

中場方面...雲加一直有意講拿斯利培養成法比加斯嘅接班人..所以尋晚拿斯利出現喺法比加斯嘅位置上。拿斯利的確系有驚艷嘅時候，但只系偶爾而一兩次。佢喺對方禁區外傳出致命一擊所把握嘅時機仲系掌握得唔好。一猶豫嘅話，對方嘅後衛就會沖上嚟啦。機會冇咗。亦只能傳俾隊友重新組織進攻。拿斯利喺中路D傳波缺少滲透力,又拖慢節奏, 有唔少冇意義嘅控球,,但系佢強項係射門,斬波, ,佢可以專注喺右邊..然後間中搞D中路遠射,或者入禁區揾機會,比較啱佢！ 所以,,,,突然覺得，尋晚無咗法比加斯，就好似少咗一個中場指揮家咁...！而迪亞比尋晚都踢得好努力，佢嘅進攻同埋防守技術越來越有進步喇，不過...佢好似踢得太前，而且佢太獨食喇..有幾球..佢摞到個波之後，成日都帶住個波走,,有得傳，佢又唔傳..白白浪費咗機會.所以成日都喺中場失波...！而賽前就有新聞胡艾沙雲狀態唔好伽喇，好似話佢仲有傷未好尋晚系帶傷上陣....但系尋晚佢真系好少見到佢嘅身影lor, 好似好hea咁, 踢得好似好辛苦咁,...我都系鐘意啱啱嚟阿仙奴果陣嘅沙王,,依家嘅佢,,好似踢得有D力不從心咁！~

而路錫斯基..我真系幾鐘意佢，因為佢有腦，識得向前傳波，佢自己識得把握機會，自己知道應該幾時傳，同埋應該點樣傳。
而且佢有實力，佢D傳中真系快而准！佢D傳波又快又準，又識組織&射波...仲有佢都跑得..！
而且佢踢波踢得好用心，佢會好俾心機去踢，有時佢防守果陣真系會埋身，適當嘅時候，佢識得去做適當嘅嘢~如果佢唔系“玻璃人”嘅話，佢真系一個超級好用嘅球員...!~希望佢喺今個賽季可以健健康康啦！！！！

而查馬克...佢系一個有實力嘅球員...今場比賽查馬克出任中鋒埋伏於對方腹地，雖然未能直接取得入球，但間接扳平比數嘅1球，卻已經初顯其頭球威力。依家賓特拿傷久未癒，，而雲佩斯其本人嘅技術特點還系更習慣於在邊路進攻，所以查馬克嘅到來徹底彌補咗兵阿仙奴前鋒線嘅弱點，而佢嘅頭球優勢&「空中打擊能力」真系令人嘆為觀止！

阿仙奴喺首戰中未能把握對手喺整個下半場打少一人嘅情況下取得三分，看似令人失望，但縱觀球隊喺今場比賽嘅表現及發揮，其實已經算系合格伽喇，加油呀,,阿仙奴！！！

下一場比賽：8月21日 22：00

阿仙奴vs黑池

大家記得睇喇！！