話說上個星期五(Apr 20, 2007) 有得準時收工，咪即搭村巴入屯門等郭家二小姐食Dinner啦 (費事有話我遲到啦)!! 入到屯門佢都未打黎都心知不妙架喇，咪走入吉之島逛o下囉(今日有95折丫嘛) 點知，條友仔最後要成20:00收工，由尖沙咀搭埋村巴返入黎已經係20:45 而我，就係吉之島o既超級市場由19:00行到20:45~~ 足足一個鐘頭零九個字呀!!

不過都有樣好o既，因為比我發掘o左一隻用微波爐叮番熱就食得o既串燒 !!

之後為o左補償要我等o左咁耐，決定去試o下海霸o既夜茶先!!

賣相都ok，不過d薰蹄新鮮到連d雪都未溶得切就真係差o左d喇!! 唔得!!

燒賣 - 只可以講句ok!!

草菇冬菇蒸魚肚 - 嘩!!賣相真係唔係好得，一pat pat咁，食落都係一pat pat!! 不過已經好少食到真正o既魚肚喇!!

XO醬抄腸粉 - 抄得唔夠香脆，但係有成碗甜醬麻醬比我點黎死就好好味喇!! 哈哈!!

鳳爪排骨飯由一坐底就叫，到最後先到 (初時仲以為走單添!!) 個飯一般，不過有少少飯焦補番數~~就不過不失啦!!

食物：

上菜速度：

服務：