呢日既行程主要都係晏晝出去食飯，然之後出咗市橋行下。我無去市橋好耐了，記憶中嗰度係乜都無的。但今次去到，我覺得有少少似去左香港既銅鑼灣 (當然無咁繁華喇~但感覺都好似)，條街啲人真係著得好潮好in，一啲都唔似大陸人的；而偶然都會有幾個較大陸同鄉下味道較重既同胞經過，但俾我既感覺反而似喺香港遇上自由行既旅客。我都有少少驚自已著得唔夠in，俾嗰條街啲潮人覺得我老土......

我哋一行人去到一條街逛，嗰度仲好有日本街頭既感覺！真係估唔到會似日本。嗰度有部份衫舖啲衫都幾得架~~我喺其中一間見到好多都好岩心水，但因為怕攞太多好煩，加上時間有限，所以只係係咁易買左一件衛衣，都成190幾蚊，一啲都唔平架~~ (當地黎講)。但又真係幾啱我心水~~~如果間野喺香港有分店就好了~~嗰度連啲sale都打扮得好潮好型，完全係香港啲時裝連鎖店既裝份，一啲都無老土既味道。係講嘢同我地始終有啲唔同囉~~~例如我問佢折左未，佢地會話「未打折」。雖然都係廣東話，但始終同香港有少少分別。

間舖叫TRENONE，中文名叫壹潮流。網址係：www.trenone.com，有機會大家留意下丫~~

P.S. 仲有其他相片，請去「相簿」度睇喇~~~~~~~

一早出去食飯，又係成枱嘢，大魚大肉~~~~啲蝦雖然細細隻，但我鍾意食喎~~~覺得細細隻仲鮮味~~~

街頭留影~~~市橋啲街道俾人好繁華既感覺~~~~~唔睇啲字仲以為身處日本東京街頭！










條街咁靚~~~自拍返一張留念先~~~


呢條街入面好多嘢睇同好多嘢食~~而且街道好乾淨，好似入咗一個小天地咁~~同一般大陸俾人立立亂既感覺截然不同。




咁特別既街道，當然亦要影返張相喇~~~~

去完返屋企都成六點幾七點，呢晚大家打邊爐，雖然食既嘢種類唔多，但志在大家高興下；同埋最正係有大閘蟹食~~~~啲糕真係好正呀~~~~~~~~~~~~~~~~~~~~~~~

第二日既行程就咁完結~~其實都幾累~~
不過食飽就瞓瞓飽就食既生活，真係好寫意啊~~~~~~~~