以下網誌內容可能令人情緒不安......
活動概要:
今日兩條佬去左兩個灘浮潛, 先去中灣, 呢個灣好大壓力, 壓力黎自周圍既目光, 尤其我地兩條佬去, 響防鯊網外石灘潛左半個鐘見水底唔對路, 於是上水, 著車走, 踩入南灣, 呢個灣感覺好返好多, 潛個多小時上水. 走人...
爆炸事件:
中灣同南灣都好出名, 中灣以前去過, 但再去都係有壓力, 南灣第一次去, 雖然感覺好好多, 但都比我地見到有個男人, 著住一條, 果塊布岩岩唔夠包住佢碌野同個袋既泳褲, 呢條泳褲除左果塊布, 其他部份係呈線狀, 本黎我唔應該見到佢, 係嘉樂指我睇, 而呢個爆炸型男又企響度做緊伸展運動, 頂... 我叫嘉樂影低佢, 嘉樂又唔肯, 淨係識笑...
血濺事件:
行防鯊網行到雙腳出左一條手掌咁長既血痕, 重要狂流血, 型... 但我地都潛埋先上救護站消毒, 唔好染食肉菌呀唔該...
斷背事件:
兩條佬去中灣南灣, 中灣過南灣時重要唔著衫渣電單車, 重有一刻連頭盔都無帶, 哇卡卡, 好彩, 我地兩人一人一部車, 如果得一部兩個人坐就水洗都唔清, 呀婷!! 如果你同嘉樂感情出左問題, 唔關我事嫁!!!!!!
我 D 行防鯊網功架返曬黎, 呢段我行左廿幾步, 嘉樂響後面行住拍, 我要強調佢跌先!!!!

呢張相係我血濺南灣, 果條傷口超長...