十年前林峰同千嬅喺《美味情缘》里边饰演配角情侣，江上游同周宝甜。嗰个年代，想红係好难嘅，麦当劳仲係奢侈品，菊花係攞嚟吟嘅唔係攞嚟爆嘅。

本日志图文无关，图为生日嗰几日嘅创作，欢迎各种对号入座+YY。

十年前我哋80后比人话係垮掉的一代，十年后嘅今日，90后比人话非主流、10后出世，再过十年，如果死唔去嘅话，嗰班千禧宝宝又将成为大家话柄。

呢十年我完成咗一个壮举。从初中到大学毕业。回头发现原来我哋每个人能够完成十几年嘅学业都十分唔容易，原来每个人都可以用一个年代嘅时间去完成一件轰烈嘅事…其实呢个只係2010嘅小结，我绝对唔会写倒呢10年发生过嘅嘢咯，我又唔系老人痴呆回光返照，边会记得咁多~只係慨叹时代更替，一零后就快出世！

2010我完成长达三年嘅大学生涯同长达两年嘅电台实习生涯。

2010年我有咗宝贝，多谢你呢一年对我呢个工作狂嘅包容同忍让。

2010年因为毕业设计同恶运会，我重新了解咗我依个广州，更了解，发现我越无知。“爱广州”似乎成为一种潮流。725江南大型行西街大街上啲后会用唔纯正嘅粤语声称自己“爱讲州”，一大班人会拥到恩宁路扫射颓垣败瓦带住女模骚扰钉子户正常生活。

给十年后的我 点击进入打开BGM

如果十年之后你仲安好嘅话，唔该抽少少时间睇睇下面呢几句。

点叫你好呢？你唔会仲继续比人叫小矮吧？叫Kii Chan？定係KC啊？

嘿，最近，你几好吖嘛？忙还忙啊，注意一下身体咯。我而家有时都会迫自己早瞓价嘞，

希望你到时会好受啲啦。

喂你而家MINI出咗啲咩款啊？

仲用唔用车价你哋？

我话过我要买MINI价，定係你仲未有钱买车咁冇用啊？哈哈。

有冇俾而家嘅我更坚强呢？

我而家，只能够係局部坚强咯，如果你可以学到好似阿伟咁就好嘞。

不过忙归忙，都係嗰句，注意身体，多啲关心屋企人啊。

近排我发现阿妈多咗好多白头发啊，唔好成日要阿妈担心先得价。

额…讲咁耐你唔好话比我知你仲未买车买楼lor，我觉得我会接受唔到lor~！

唉，

算嘞，

只要你记住，

2010嘅我，係一个为理想，为钟意嘅人，坚持梦想嘅人。

我嘅理想係做媒体人，虽然而而家份工同目标有少少偏差，但係我係会继续努力，坚持做创作价！

我唔会后悔唔会动摇lor！我甚至…

我甚至，

愿意用我现今嘅（小）成就，去换我呢一年嘅充实同快乐。

唔好软弱啊，就算环境再差都好，

咩都可以冇，梦想唔可以冇！

盲目咗嘅话，攞起你部老爷机，按按快门，体会下我当年点坚持影相。

唔争在用多一年嘅时间去搵翻自己嘅方向，然后用三年坚持专攻。

无论你系咪仲想做媒体都好，钟意咩，就坚持落去啦，我撑你。

你都唔想廿年后另外嗰个自己后悔家嘛，系咪先！

我都会继续画画价，无论你而家有冇车有冇楼都好。

记得呢个喺2010好勇敢嘅你，请保持幸福。

请，必须快乐。

2010年嘅最后一日，返工都係住旋律，晚上又要去milk做parttime，尽力将今日喂满吧各位！提早同大家讲声新年快乐！