今日个旧同学兼老友阿颖结婚，因为公司离饮宴嘅地方太远，匆匆忙忙落班后直飞地铁过去黄沙同约好嘅蚂蚁仔一起打车过去。想不到时间太赶，最后变咗场马拉松咁係个地铁站飞黎飞去咁跑先赶得切上到佢部的士，真是拿命啊！

饮宴嘅地方是同福西路那边，的士走嘅路刚好经过以前我们读书嘅中学，但是那边可能再拆卸，居然找不到以前入学校嘅果条路，不过也觉得这次的地方挺有意思，居然就在旧学校的附近，毕业了十几年，想起其实我们已经好耐无再行过呢头了。

上个月蚂蚁仔结婚嘅时候，曾经见返初中时候嘅果班老友，但是因为当时坐咗係另一边，所以果晚都无咩倾计，今晚再次见返，当然就显得分外健谈。初中嘅呢班老友，真是好像friends六人行一样，特别是到了暑假，我们六个人都会一起去旅行，记得有一次是坐船去下川岛，当时我和梁航仔最差，坐嘅果只内河船一出到海就俾部船搞到上吐下泻狼狈不堪，那次应该是玩得最欢嘅一次了。今晚见面，各位老友不免又怀念一番，话题中又提及返那时候的在飞图梦幻影城，玩卡丁车被区佬个衰人搞到翻车，个个都捧腹大笑。眨一下眼这些都已经是11年前嘅事了。

宴席散后，自己一个人又再行返以前很熟悉嘅同福路，路嘅一边已经开始清拆中，但是另一边依旧保持着十多年前的景状，那间以前成日去吃个碗仔翅嘅铺头，烧腊铺，消防队，少年宫都仲係到，经过了十几年了景观一切都无咩变化，只是我们这班旧同学都已经变老了。。

最近自己老在想着过去，过去的人，过去的事，一切都仲係咁熟悉，眼前嘅同福路据说政府为了保留广州骑楼风貌，将会继续原样下去，我觉得是一件好事，或许若干年后，我们可能会再次走回这里，还有一个机会去重温以前在这条路上开心无邪的日子。