同檀野攪完啲証件後,佢為左化咁我啲戻氣,就同我講响區役所附近有間幾出名o既寺,問我有冇興趣去睇下呢. 於是我地就行左大約15分鐘上到呢間日泰寺喇. 名古屋地勢有高又低我地住嘅地方係平地,而高地(台地)o既地方亦不少,而呢間寺廟就建係高地上,所以要行上黎都幾喘氣下架. 行過一條斜路後,就見到一條好長o既街,街尾就見到間寺,當日雖然係星期五但寺外十分熱烈,亦有唔少攤檔擺賣. 一踏入寺內,最吸引我o既就係呢個化緊綠o既外國人和尚. 香港人好怕將啲香對住自己又或者主動聞或將啲香撥向自己.但日本習俗就唔同喇响香爐裝完香,佢地好興將啲香用手撥去自己身上,係保健康o既. 香爐前有個人响度乞緊錢呀,個錢箱寫住戰傷.不過檀野話佢係呃人o既,因為如果真係戰傷的話政府每個月都會有長糧比番佢地架..唔洗佢地去乞咁慘. 呢樣野令我諗番起响香港啲寺廟拜神果陣,啲老童或呀婆係咁圍住黎羅錢o既情境,主婦好心軟好多時都比,但一比就唔得掂,突然唔知邊度走晒好多人出黎又話要錢又祝我新年快樂咁,咁多邊比得晒吖,唔比臨走前仲比人恭喜多鑊,真係好心著雷劈,食屎啦食咁多白粉! 呢間寺好光猛比人感覺好正氣好舒服.寺內剛好有僧侶唸緊經,可能我信佛關係我覺得自己好好彩呀! Today:Yesterday: