７月１６号啦，又一日啦，１８号就搞联欢会啦，我地一Ｄ准备都冒啊，戏又未排好，都唔知点好．

今日李文一早就叫左我出去，话去吃早餐，跟住去吃左肠粉，然之后佢送我去番学，去到果棵树下，佢同我讲左Ｄ好奇怪嘅野咯，我都唔点答佢好咯，佢话，如果一个男嘅同一个女嘅系好朋友，之但系，有一日果男嘅突然之间同个女嘅讲话钟意佢，个女嘅会唔会觉得果男嘅系度同个女嘅开玩笑，我话会．之后就冒理佢啦．

今朝佢地好早就去排练啦，不过听日我地都要早Ｄ啊，因为一，应承左敏敏番去扫地，二，我地班都要排练啊．今朝果个希腊神话课真系好有趣，佢地都话，上甘多节文化课．最有趣系尼节，我都甘认为．不过发现Ｄ西方文化同中国嘅差别真系太大啦，太过人性化，家琪姐姐话希望我地深思下．你会发觉一Ｄ野．好难讲得清嘅野咯，要自己去体会．下面就回忆下家琪姐姐今日讲过Ｄ咩黎啦，简单Ｄ讲，我系系度介绍下西方文化．呵呵．讲错唔好怪我，因为Ｄ关系太过复杂，一时之间记唔住甘多，记唔住，冧起今朝如花教我地果Ｄ，都几难记架，又早笔记本．好啦，唔讲甘多啦，下面大家就听下我尼位小专家讲下Ｄ希腊文化啦．

讲起希腊神话，就要从宙斯佢啊爷讲起啦，话说宙斯佢啊爷呢就生左两批怪物，丢左去地狱．甘第三个就系宙斯佢啊爸，因为生得仲算正常，就留左佢落黎．跟住宙斯佢啊爸就应承左佢啊妈，救番果两批野．甘宙斯佢啊爸就去搞掂宙斯佢啊爷，甘就去庵左宙斯佢啊爷，甘宙斯佢啊爷就退左位啦．甘跟住宙斯佢啊爸就落去睇下佢地兄弟姐妹，点知见到真系好鬼样衰啊，甘就反口啦．

好鬼长，唔记得甘多添，省左Ｄ讲啦宙斯有个老婆叫赫拉．佢地生左两个仔，一个系啊瑞斯，系战神黎噶．生得靓仔．不过系个白痴，冒脑嘅，一个叫唔知咩，总之佢系火神啦，生得好样衰，之但系人地有脑，呵呵．过多Ｄ添，宙斯吞左赫拉．唔知几时，宙斯开始头痛，就叫人开佢个脑，点知暴出个雅典娜，系新一代嘅战神，佢同宙斯啊哥（海神）打过，甘就赢左，跟住又同啊瑞斯ＰＫ，都系赢左嘅，为左争一个叫雅典嘅地方．赫拉暴左个酒神，都系唔知叫咩名嘅．讲番宙斯啦，佢就有个经典情人，就勒托，甘佢地就生左个仔，就啊波罗，事实上呢，勒托系因为啊波罗先至出名嘅，佢地仲有个女，系月神．

甘话说呢，啊波罗嘅感情路就好坎坷嘅，坎坷到咩程度呢，依家慢慢同你讲，啊波罗就生得英俊潇洒．佢嘅初恋呢就系自然女神，ＤＥＦＥＮＹ，啊波罗就追左佢好多日，自然女神终于有一日体力不支啦，系尼个时候，佢就冧到一个Ｑ，就系，急ＣＡＬＬ月神啦，甘月神呢就系钟意啊波罗嘅，虽然佢地两个系兄妹，月神知道左，就将自然女神变成一棵树，就叫月桂树，甘月桂树呢，就系甘黎架啦．啊波罗嘅初恋就甘就破灭啦．

跟住佢又同河神嘅曾孙女，生左个Ｅ药之神，尼个Ｅ药之神就把敝啦，佢尼就可以医治人间所有人，好鬼死叻嘅，叻到冒人有嘅，叻到咩程度呢，死都可以俾你医番生，人叻冒计架，点鬼知就造宙斯个老爷妒嫉，宙斯就话啦．假如Ｄ人都长命过我，到时点佢地大晒，甘就派人杀左佢个孙，其实系派人电死佢嘅．啊Ｅ药之神啦．甘宙斯派人杀左啊波罗个仔，啊波罗就更系唔愤架啦．甘就杀晒佢身边识制造闪电果Ｄ人咯．

仲有好多，不过都系扯开下话题先，因为唔记得晒啦．甘维纳斯你地都听过哦．佢就系罗神话入面嘅女神，甘ＡＰＰＥＤＩＴＹ呢就系希腊神话入面嘅女神，介绍下．甘尼个希腊女神呢，佢都系好靓女嘅．有样，有身材，有智慧．又好人，善良．纯洁．总之就系男人见到就觉得佢完美无暇，女仔见到都会好钟意果只啦．甘之但系呢，佢嘅感情路都系好坎坷嘅窝，点坎坷法呢．佢个老公系火神，即是战神．好样衰嘅，甘佢甘靓啦，睇人地唔顺眼架啦．甘就去包二公啦，点知呢，尼个二公就系啊瑞斯，有样之但系冒脑果个．

甘依家又讲番啊波罗啦．其实呢，佢仲有一段坎坷嘅爱情史嘅，甘就系，佢钟意过一个凡间男子，叫啊欣托斯，意思即系佢地系妓嘅，佢地彼此都钟意对方，之但系，尼件事被啊波罗个老婆知道左，就叫人去杀左啊欣托斯，甘啊波罗就更系伤心架啦，系未，甘呢，啊波罗嘅眼泪就滴左落啊欣托斯嘅血上面，就生左一种植物，叫风信子．系一种花黎嘅，而且系我一直一直都好想去睇嘅花，想同毛去睇嘅，当初系甘冧．

尼个希腊神话呢，同中国果Ｄ神话就有好大区别嘅，佢地果Ｄ呢．果Ｄ神啊，都系好人性化嘅，佢地会为左佢地嘅私欲做出尼Ｄ或者果Ｄ被我地认为好荒谬嘅野，之但系系西方Ｄ人就唔会甘认为窝，或者尼个就系点解西方人甘开放嘅原因挂．希望你地睇左都一起深思下啦，对你地都有帮助架．