2010.12.27 今日买咗个胶箱，翻屋企收拾回忆，分开咁耐，承载我地回忆噶野一直都冇收起，我上次同你讲，话想重新开始，想将以前噶野收起啦，呢次，终于都做咗啦... 呢个喺，你第一次请我食糖噶糖仔纸，唔知你仲记得唔，我记得果时我喺坐第四组尾位，你同劲去完铺仔就埋来我个窗度同我倾计，请我食糖，果时我唔知你原来都锺意我，但喺我就对你有好感，所以好珍惜呢几粒糖，都唔舍得俾其他人食，但唔得咁噶嘛，所以就自己留翻两粒...果时我坐第四组喺最唔想调位噶，因为可以望到你地上体育课，落课又可以见到你地去铺仔~坐第一组都OK，因为都见到你，不过有时我训觉就危险少少，因为你地会伸手入来偷袭我...又会忽然揭开我窗帘吓我...果时以为你锺意蚂蚁，仲打电话去问你，笑死~ 呢个就喺你第一次写俾我噶情信同送我噶礼物，果时你叫我借我噶星座书俾你，你喺我本书度画低关于我噶野，又写咗字，还书俾我，叫我去溜冰场，我冇去到，喺金毛帮我拎翻来噶（我记得好似喺）...我翻下本书，就见到呢封信，果时噶第一反应当然喺有激动啦，跟住最大噶感受就喺，点解你D字咁难睇架~写情书都唔认真写靓D...我记得喺你同我表白之前，ET帮我打过电话俾你，果时我喺分机度听你地讲野，佢问你锺意边个，你话我，听到果时我真喺成个人震晒噶，原来你喺锺意我....所以后尾到你约我出溜冰场果时我喺估到你可能会表白，但喺我唔知会喺点，所以唔敢去...惊自己应付唔来果种场合....果时喺放寒假，我冇俾到答复你....份礼物，入面喺装咗3粒细噶电池，咁多年啦，果3粒电池仲有电，而你对我却冇晒电力啦...呢D喺咪叫物是人非呢？ 初一第二学期开学之后，你写来噶第二封表白噶情信，D字依然喺唔靓，果两个心仲要喺啊劲帮你画既添~收到呢封信，我都喺冇俾到答复你，因为虽然我都锺意你，对你有好感，但喺果时根本就冇捻过咁早拍拖，同埋我自己由细到大喺大人眼入面都喺乖噶细路，所以唔敢咁早恋，加上果时身边都极少人拍拖....再后来，就喺你开始动员身边噶人，除咗你身边，仲连我地班果D我唔喺十分好噶同学都来同我讲，叫我接受你，我DF又话试下啦，俾次机会你啦...最后屈于群众噶压力，我复咗封信俾你，话你知我都锺意你，就咁，我地就开始咗啦... 呢条手绳我同你一人一条，但喺我都唔记得喺一齐之后定之前俾你噶，好似喺之前吧，我喺唔知喺边度知道你星座，跟住果时又兴呢家野，我就买咗份天蝎座噶翻来织，织好就扮下野打电话，问你要唔要，你话要就送俾你啦，仲叫ET帮我罗俾你，我记得果时仲有件事我几咩架，就喺我同你一齐戴咗，我俾买浓见到，佢见过你又有条差唔多噶，佢问我喺咪同你咩咩，后尾我就唔敢戴啦...惊会传到你度，俾你知我锺意你... 初中三年，我地写咗好多信，有就咁俾我噶，仲有寄俾我噶，宜家捻下，咁近都寄信，真喺好傻，不过果时每次你话寄咗信俾我，我都好期待，每日都问送信果个人，收信果种感觉好好~你写俾我噶信，多过我写俾你噶好多，因为你一得闲就会写俾我，而我就....好多时，你写几封我先回一封。或者系太细，又系初恋，我唔识点表达自己感情，硬喺好似惊俾你知道我有几锺意你咁，成日都对你黑口黑面，唔会好似你咁，写俾我噶信，可以见到你对我满到泄噶爱意，睇翻D信，曾经我喺你噶老婆、雯姐、雯雯、雯、猪仔，你好爱好爱我，话Dick会Always Love Emily，但喺我就成日唔咸唔淡，成日发你脾气，搞到你唔开心，但我搞到你再唔开心，你都会写信氹我，有时冇野写，就写满一张纸噶“我爱你”“我想你”，果时就喺隔离班，经常会碰到你，但喺每次见到你，我都会当睇你唔到，你都对我有过怨言，但喺我就喺咁噶死款...睇住Ｄ信，曾经真喺相信会就咁一直落去，你话过，你有病，只有你老婆我先至可以帮你医到，你会一直爱我，永远...呢D就喺一齐果阵，乜都可以讲得出，会作所有噶承诺啦...果时佢地好多都话会睇唔明你写乜，因为你经常性写错字，锡锡经常写成踢踢，但喺我总能明白你咩意思，因为一齐噶喺我同你，我点会睇唔明你写乜，唔明你表达咩啊...睇住以前噶一字一句，回忆一幕幕闪过，喊到收唔到声...我地真喺经历咗好多，有好多好多噶第一次，我地经常去以前未去过噶地方，做未做过噶野... 呢对手喺你寄俾我噶，你话，你果段时间比较忙，唔可以经常陪我，我挂住你果时就放双手喺上面，咁就好似你喺我身边咁啦,我真喺唔明点解你会有咁多特别噶捻法，信入面都经常会有奇怪噶捻法出现，令我觉得好惊喜...但喺我果时睇住呢对手，就真喺忍唔住喊，因为你真喺好贴心...几乎咩都喺以我为先噶... 一心一意对我好要我开心...呢Ｄ喺你画俾我噶画，尤其喺蓝色果两幅，我睇一次笑一次，你真喺好好想象力罗，咩未来雯雯啊，仲设计埋对白...不过可以睇得出，你喺课室唔喺上课噶，喺满脑都喺我...都喺我同你...呢D真喺珍藏来噶，因为我捻，宜家噶你，喺唔会再做呢D野了吧...字都唔点写，更何况喺画画？喺咪啊？我捻第二时你出咗名的话，呢D唯数极少噶画作，应该都卖到钱吧？哈哈...不过，又点会舍得卖咗自己噶回忆啊...等我老咗果时，就要靠呢D回忆过日子啦~ 你话果时点唔喺幼稚啊，真喺乜都捻得出做得出，连卖身契都有，你睇下，你几锺意我，连身都卖埋，仲要喺咁平添~但喺，我宜家发现问题，点解个卖身契我地冇写到日期既？手指摸都打埋~我俾你果十蚊早就用咗了吧...你之前俾我噶钱，我都冇用到，仲Keep住喺个旧银包... 呢封喺你初中寄俾我噶最后一封信，睇到我好心痛，果时噶你喺咁爱我，而我...我永远都唔会唔记得你岩出到去广州读书，你见到我个QQ签名，以为我想分手，喊住声咁打电话俾我，我知你为我喊过几次，但喺果次喺我唯一知道噶...果时我喺打算分手噶，但喺你噶表现令我落唔到决定，后尾分隔两地，我喺高中度噶寂寞，令我打消呢个念头，但喺，到我开始放唔低你噶时候，你变咗啦，你开始对我热情冷却啦...同埋每次你俾惊喜我，翻来搵我，我都喺咁，次次都搞到你唔开心...其实我地关系，唔喺剩喺你问题，好大部分原因系我令关系恶化。当初喺我叫你去广州读书既（我发现你果时真喺好听我话，锺意听我意见，宜家都会问，听唔听喺另一回事），你有问过我有冇后悔叫你出广州，呢D冇得后悔既,如果注定要变，即使你当初留系珠海，我地都喺会变... 我地噶玫瑰花都变晒色啦... 初三噶通讯本，初三果时应该喺最Sweet噶吧，我地两个好好，你成日话孤零零叫我去你屋企陪你，又经常叫我帮你剪头发，仲煮饭俾我食（上次你来我屋企，我喺第二次一个人煮一餐饭出来噶，除咗我啊妈，你喺第二个我会为佢煮饭噶），初中果时，大家都冇乜钱，但喺果时却喺最开心，最单纯噶，捻法好简单，边来咁多猜疑啊...你经常俾钱我用，训练发噶果D钱都俾埋我，因为我要搭车过去搵你...记得你陪我行翻屋企嘛？果时，夜晚唔喺你地小学，就喺林家花园，边有地方去，一坐就一晚...果时根本就冇乜捻法，话去边玩，就只喺想见到对方，同对方一齐咁简单，享受果种一齐舒服噶感觉...记得果时放假，我地去通宵，通完太早，去咗边啊？咁计既，其实我地都试过露宿街头啦~喺林家花园...锺意搭以前噶巴士因为比较暗，两个人可以好亲密... 你帮我写噶初中纪念册，背面写噶野先至经典，你记得你话，06.6.29晚，你永远都会记得我讲过咩嘛？果晚，我讲过咩令你咁咩，其实我唔敢肯定喺咪果件事...你记得么？呢两个喺你送噶戒指，细噶喺你买噶，大噶好似喺一对咁喺我屋企楼下一齐买的吧？我本来系搵唔到噶，后尾最后先至搵到出来，见到变晒色，罗落楼下洗咗再罗翻上来，我送俾你果只，你就俾佛仔饶没收咗，又冇罗翻来...我记得果时，入学校喺要戴校卡噶，中午去完你屋企，同你一齐翻学，你就咁拖住我手入学校，其实我一直都唔锺意高调，所以你拖住我入去我喺惊俾老师见到噶，就来翻到课室果时真喺俾老师叫住，光头佬叫住你，不过好似喺咩戴首饰定咩吧，就唔喺见到我地手拖手...其实我知果时我同你都几多人羡慕架，因为本身拍拖噶人唔多，我同你感情又算唔错~但喺初中识得噶，点都估唔到我地可以一齐咁耐吧，都以为系玩玩下... 呢D喺初中同你有关噶字条，虽然唔喺全部都喺，但喺我唔知点挑翻出来，就成盒收起... 呢樽喺你折俾我噶星星，仲有三粒喺你罗来表达爱意噶，哈哈，呢几只字就靓D啦~本来你送噶果个樽就唔小心整烂咗，后尾就买翻个来装翻D星星~每次见到D星星就会捻到你折星星果个样，就会好想笑~我都送咗一大樽星星俾你啦，但喺我捻你唔知，有Ｄ星星入面喺写到字噶吧~ 因为我话你唔可以打开个樽...剩喺我可以... 呢五朵玫瑰喺你唯一送俾我噶花（我记得好似喺冇送过其他吧），我好锺意噶其实，因为唔会变啊嘛...行街果时你都有话过送真噶俾我，但喺我觉得开口要你送噶，我唔想要...要既喺惊喜... 个心喺你送俾我噶生日礼物，真喺俾到我好大惊喜，果时要翻学，所以唔可以同我去玩，个框喺咪我买架？因为我有少少印象喺你买咗一个，但喺太细装唔落，你就叫我帮你买个大噶~果日系你屋企见到个500块噶框我先至捻起好似有呢回事。我知呢个大心你花咗唔少心机落去，要罗咁多个细心用白乳胶黐埋~捻起我就觉得Sweet，你咁用心整礼物送俾我...呢个心系我屋企挂咗好多年，一直到上年先至除落来...每次有人第一次来我屋企，都会话“哇，咁大个心，边个整架?咁好心机既！”我听一次就开心一次~之前你话另有构思，罗一毫子再整份送俾我，我就帮你储埋一沓新噶一毫，但喺宜家已经冇用露~

呢D喺你俾我噶相，好多你细个噶相，我记得同你讲过话，好可惜你噶童年冇我噶参与，我羡慕你啊妹，你话，童年冇者，以后噶生活我都可以同你一齐过...以后？仲会有机会么？唔Care啦，因为初中，我地一齐过咗难忘噶三年，有最单纯开心噶回忆就够啦...我冇直接参与你噶高中生活，但喺你话过"珠海喺我同你好多回忆噶地方，即使爱情唔喺第一位，我仲喺第一位..."我知地位会变，分量都会变，但喺我对你人生噶影响喺可以肯定噶...喺你回忆度占噶比例都喺可以肯定噶...


你睇你果时几皮光肉滑...果次去泉林山庄玩，喺我同你关系噶一个突破吧，个个都走嗮去玩，扔低晕坨坨噶你俾我....果时大家都知道你锺意我，帮我同你制造机会...

呢套喺我地影噶第一辑贴纸相，果时一齐咗几耐啦？我都唔记得啦，不过第一次同男仔去影相，我真喺唔知点自然，同埋喺荔山影，我又惊会俾我啊妈知道喔，影得好突兀噶感觉，我果时噶中分样，真喺够晒经典啊....影最后一张果时，我记得你话俾你做按既，等我摆好表情，你就突然锡咗埋来啦，我喺吓亲架，虽然我个表情喺笑住既，因为我个表情仲未反应过来就影咗啦，而且最后一张喺唔可以影过噶....所以都好彩你锡噶位置都几岩，果次喺你第一次锡我啊...你就真喺趁机啦~

呢辑喺继第一辑之后好耐，我地再影噶，果时我地两个关系就密切好多啦，表现都自然好多，你逼人戴奇怪眼镜影，同第一辑比，我个样变化大好多，起码我剪咗个中分啦~你就冇咁大变化...影锡噶果张相我就真喺几无言下啦，你记得我地喺影咗几多次嘛？次次影到你好似想食咗我条嘴咁，又要影过，果时喺夏天，影到我地两个成头汗...后尾太耐啦，个老板都忍唔住入来问，吓亲我地，哈哈~因为我同个老板比较熟，我仲记得果次影完相第二日你写信闹我，话我竟然喺你面前搭第二个男噶膊头，话唔好比你见到第二次~果时喺呢方面，你对我都几霸道架...果晚影完相，你话好睇，仲同我约定，话以后每次影相都影一张喺锡既~但喺，以后再影，好多时都唔记得既，影完先醒起...我自己就最锺意呢辑相....

我地之后影噶相，仲有你自恋影俾我噶相，你高一果时就上课影一大堆相比我睇，我觉得果时噶你喺最好睇噶，左下角果张就喺本来想俾翻你噶，你同华辉噶合照，你又唔要...右下角噶你有戴住耳环影，果时同你一齐去穿耳，你左边我右边，宜家都冇戴过耳环啦，上次你来我屋企我帮你整过，个窿冇盲到...我个几年冇戴野都唔怕盲...以前好多时出去都喺同我DF一齐，唔喺我地两个单独，你都埋怨过我话我重友轻色，陪朋友都唔陪你...

其实我觉得果时噶我地都几有夫妻相架~(*^__^*) 嘻嘻……不过果次影相最后又系我发脾气搞到你唔开心~


其实我好锺意呢次影噶果几张相，因为无论喺衣着颜色定背景，感觉都好好~仲有，因为你件衫喺我送噶，个头喺我剪噶~哈哈哈·~冇野喺唔满意噶~果时你叫三角帮你电发，整完真喺几难睇罗，我唔帮你剪翻靓靓点得啊~ 呢几本笔记本喺罗来抄底我地噶短信噶，你发噶短信我都唔舍得删，但喺电话会满，所以我就用笔记低落来... 呢D喺我高中写噶咁多本日记，都喺写俾你噶，因为我想俾你知我噶生活，我对你感情....同埋记低我地之间发生噶事，因为我好冇记性，我怕唔记低，有日我会将我地之间一D重要噶回忆忘记...唔可以同你一齐回忆，之前俾咗几本你睇，后尾都叫你要翻啦，因为佢地要喺一齐先至完整...而你都冇机会睇晒佢地...曾经咁多人睇好噶，我地咁多年噶感情，就喺呢D日记里面啦...就喺果D信件，通信部入面啦~即使时间过去，记忆模糊，呢D文字都可以帮我地回忆起从前~ 呢个公仔喺你送噶第一个公仔，咁多年我每晚罗来揽住训觉，佢D毛都变晒样啦，但喺我一次都冇洗过，仲喺罗来揽住训觉，你果时话，揽住佢就好似揽住你... 呢两个公仔都喺生日礼物，但喺我始终最锺意第一个，虽然第一个你唔喺买噶，呢两个先至喺你买噶...但喺佢地太大，我揽得唔舒服... 知我锺意樽仔，但时间太久远啦，我都唔记得边Ｄ喺你送，边Ｄ喺我自己买噶啦~ 送俾我噶啊宝，但喺个袋仔我唔记得喺咪你送了。。。高中噶野我记得最唔清楚 毛仔同毛囡，俾翻毛囡我，喺因为就算我地两个唔可以一齐，佢地都可以，唔好分开佢地，但喺毛囡话挂住你啊... 你送俾我，你戴既脚链，话咁样我就唔会咁黑仔，你分D运气俾我...我话唔会除低，如果除低既，咁你就明喺咩意思啦...果时除低咗，跟住果几日喺我呢世女最黑噶几日，连死噶心都有啊，我果时真喺以为系条链噶问题，将你噶运气带走咗，迷信噶我，原来喺话你细佬噶问题，后尾情况好转，我就知道，同条链喺无关噶~ 没收噶，你噶烟，为咗你噶健康叫你戒烟，我地以前吵过好多次，宜家你话戒，只系偶尔食几支，我觉得咁样都喺唔好，好多野喺戒就要彻底...应该搵第二样野来代替佢，你锺意唱K，咁就去唱K发泄啦~再唔喺，就学我咁，食野啦~饮奶，食薯片、雪糕或者朱古力都可以令心情变好噶~加上你咁瘦，咪当埋增肥罗，一举两得... 全部装入箱，仲有一包过期噶薯片，喺之前你买比我，调节心情噶，我地一齐食咗一包，剩翻噶呢包我一直Keep住冇食到，直至过期...宜家连同其他野，一齐装嗮入箱... 将个盖盖好...就咁样，将回忆收拾干净...